Return to Website

Betzinger Hocketse

In diesem Forum könnt ihr Nachrichten hinterlassen, Kritik üben, Bilder posten, Fragen stellen und......... . Mehr Kommunikationsmöglichkeiten bietet Werners Deutsch-Amerikanisches Forum, allerdings muss man sich dort registrieren um lesen oder posten zu können


Betzinger Hocketse
Start a New Topic 
Author
Comment
Sonndichs Gedichtle

Dees därf mr net

Was wird oim's Leba schwer g'macht, Leit,
Denn wenn oin ebbes no so freit,
No muaß mr z'erschta überlega,
Ob kois ka ebbes han dergega, -

Mr derf net oifach, wia mr möcht,
Z'erscht frogt sich's was d'r ander secht,
Ob's schicklich ischt ond ob's erlaubt,
Ond was d'r ander moint ond glaubt,

Ond was wohl d'Leit dervo deant denka,
Ob's koin verletza ka ond kränka,
Ob's nergeds Aschtooß wohl erregt,
Dees ällas g'hört wohl überlegt;

Ond hosch d'r bis zom Überdruß,
Isch 's End vom Liadle moischt,-i wett:
Dees därf mr net, dees derf mr net!
Au omkehrt, wenn d'a Wuat oft hoscht,
Daß beinoh an de Wänd nuf gohscht,

Dees muascht fei vor de Leit verdrucka,
Därfscht oft mit koiner Wemper zucka;
Muascht lächla, wenn d'au heula mechscht,
's muaß höflich sei, was duascht ond sechscht,

So, wenn vor gschäft d'r Kopf dr brommt,
Ond wenn no do a "Bsüachle" kommt,
Von irgend so-n-ra Sort von Menscha,
Dia mr mecht glei zom Deifel wenscha,

Ond hockt d'r dritthalb Schtonda rom,
Ond schwätzt oft dömmer no wia domm,-
Au wenn d'rs übel wird davo,
Trotzdem, den läschtiga Patro

Naussschmeißa, daß a Ruah mr hätt-
Dees derf mr net, dees derf mr net!
Au en d'r "Konscht" goht's grad aso,
(Dui Sort, wo-n-i moi, kennt mr scho) -

Wenn d'au verplatza möchscht vor lacha,
Muascht doch a-n ernschthaft's G'sicht na macha,
Wenn d'äls vo so'ma Kunschtwerk schtohscht
Ond vor Erschtauna schwitzscht ond blopscht,-

Wia mancher denkt:Ischt dees a Dreck,
Ond duat, als wär er ganz aweg;
Er lauft bedächtig z'rück an d'Wand,
Ond blenzelt durch sei hohla Hand:-

Dees sieht halt doch noch ebbes aus,-
Denn daß oim so-n-a Bild a Graus,
Bei dem mr's net verrota ka,
Ghörts so rom oder anderscht na,

Dees saga, wia so gern mr wett,
Dees därf mr net, dees därf mr net!
's ganz Leba-n-iescht Theaterschpiel,
Mr därf net, was mr möcht ond will,

Mr därf zu neamerts Rendvieh saga,
Mr därf oim kois an Backa schlaga,
Ond wemmer älle Grond au hätt,-
Dees därf mr net, dees därf mr net!

Mr druckt oft manchem Tropfa d'Hand,
Ond denkt em Schtilla ällerhand,
Mr secht, ond macht no's freindlich G'sicht.
"Uf Wiederseah" zu so-m-a Wicht-

Dem d'Moinong sa' von A bis Z,-
Dees derf mr net, dees derf mr net!
So gibt's no Beischpiel mej wia ois,
Doch ällas saga, was mr woiß,

Ond wemmer no so Luscht au hätt'-
Dees därf mr net, dees därf mr net!


(Otto Keller)

Re: Sonndichs Gedichtle

Ist schon ein Kreuz mit dem "Des därf mr et", gell Hanne?
Liebe Grüße nach Texas