Annwyl Gyfaill,

Ofnaf nad wyf yn gwybod yr ateb i hanes y cwch y cyfeiriwch ato yn y Foryd Fach, ond credaf mai'r lle gorau ichi fynd i wneud ymholiadau yw Swyddfa'r Harbwr ar y Cei Llechi. Mae'n bosib y bydd ganddyn nhw record ohono gan y tybiaf ei fod mewn man y mae ganddynt gyfrifoldeb drosto. Ac onid oes ganddynt efaillai y gallent eich cyfeirio at rywun sydd yn gwybod ei hanes. Da o beth hefyd fyddai holi rhai o hen bysgotwyr y cylch neu Emrys Jones Y Peilot.

Syniad arall fyddai cysylltu hefo un o haneswyr Plwyf Llanfaglan fel Mr. Humphreys Jones y Deintydd neu Mr. Ifor Williams, Llanfaglan.

Pob lwc ar eich gwaith ymchwil ac os y dewch o hyd i'r ateb, balch fyddwn pe baech yn anfon i'r Fforwm unwaith eto.

Cofion,

T Meirion Hughes

Diolch yn Fawr Mr.Hughes am y wybodaeth yn eich neges.