Hello Mr. Hughes,
Fedrwch chi ddweud wrthyf beth yw ystyr yr enwau stryd Maes Incla ag Ala Las os gwelwch yn dda ? Diolch, Kevin Jones.

Croeso gyfaill,

Maes Incla i ddechrau. Pan orchfygodd Iorwerth 1af Gymru yn 1283 ar ol marw Llewelyn ein Llyw olaf ar Ragfyr 11 1282, daeth amryw o Normaniaid i Gaernarfon ac yn eu mysg PETER de HINKELE. Apwyntiodd y Brenin ef yn Gwnstable Castell Caernarfon ac yn Faer y Dref yn 1306. Yn ddiweddarach newidiodd ei enw i ffurf mwy Saesnignaidd sef HINKLEY a bu'r teulu yma yn byw yn y dref am rai canrifoedd. Roedd ganddynt dir a galwyd hwnnw gan y Cymry yn Maes Incla.

Ala Las. Credir mai o'r Saesneg "ALLEY" y daw'r gair ALA ac yn y cyswllt yma ei ystyr fyddai FFORDD GUL ac os edrychwch ar y ffordd gul sy'n arwain at y traeth ar draws y ffordd o'r mynediad i Cambell Road fe welwch bod glaswellt yn drwch arni. Felly credir mai FFORDD GUL LASWELLTOG fyddai'r dehongliad cywir o ALA LAS.

Cofion,

T.Merion Hughes