Return to Website

Betzinger Hocketse

In diesem Forum könnt ihr Nachrichten hinterlassen, Kritik üben, Bilder posten, Fragen stellen und......... . Mehr Kommunikationsmöglichkeiten bietet Werners Deutsch-Amerikanisches Forum, allerdings muss man sich dort registrieren um lesen oder posten zu können


Return to Website  > Index
Recent Posts
 
Betzinger Hocketse
Start a New Topic 
Author
Comment
h
Hanne
Mar 6, 2004 - 10:11PM
24.242.35.190
Sonntagsgedichtle


Entfettungskur


Wenn mol oi'r voar lauter Fett
mit em Vollmao wia um d'Wett
bloß noh luega ka und lacha
und koi anders Gsiicht maih macha
und jetzt mit deam Schmalz a'n Backa
noh drzua na ganza Packa
Schmear am Bauch i'n Hosa trait,
isch es allerhöchschte Zeit
für a Ändrung dur und dur
und für a Entfettungskur.

Also mueß'r jetzt verdrucka,
seine Gluschta, und drauf gucka,
daß au soweit konnt und klappt
und ear it e älle Stucka
bloß no'n beschta Brocka schnappt.

Also mueß'r jetzt beizeit
des due, was da Ausschlag geit:
Rüeble raschpla, Säftle schlotza,
Blottermilch drzua verplotza,
magre Müesle, oder aber
Keanlestee und Korn vom Haber,
au dean graußa Humpa Bier
lampala lao neah drfür
Schlankheitspilla und Tabletta
aus dr Apothek vo Stetta,
bis'r Kohldampf krieagt und merkt,
daß jetzt nemme selle ferkt.

Bloß Salätle, Obst und Gmües,
it z'vill Saurs und noitz Süeß,
und koi Floisch maih verschlabutza
sott'r halt, und bloß was Nutza
für sei Gsundhoit bringt und Seaga,
und it a'schleet bei-n em pfleaga.

Morgas, möglichscht voar em Schaffa
früha am Tag schao auf sich raffa
und am Bächle duß e'r Wies
des verschlofa Gsiicht, des mies,
zweag weng richta, mit deam Ranza
rum im nassa Gras weng danza,
Wassertreatta, und drzua
tagsdur reacht vill Dappa dua.
Äwei laufa, wenig sitza,
schnaufa und au Dreck naus schwitza,
bis da Schmear mit vüre treibt,
weil suscht dear Posaunaengel
it vom Gwiicht fellt und vom Stengel
und dear gscholla Dicksack bleibt.

Wear aso sei Kur helt ei
und sein Grind jetzt etlich Wocha
dure mischtet bis auf d Knocha,
wiad bestimmt noch z'friedner sei.
Goht es doch jetzt wieder heiter
und um vierzig Pfund leichter weiter,
denn ma merkt, daß seit dear Speack
gschmolza ischt und gar a'weagg,
sich au d Seel jetzt vo deam Ma'
wieder besser rega ka'.

Wear jedoch sei Kur vergißt,
weiter wia an Jochochs frißt,
und statt daß'r Pilla schluckt
zwoi Pfond Schweinehals verdruckt,
bloß no grooplet, bloß no gruebet,
bloß no weng so gschaffelhuebet,
und wia it ganz gscheid maih feschtet
und sein Leichnam noh gar mäschtet,
ka' ma ruhig bis an Hals
sitza lao im oigna Schmalz
und au ruhig mit em Mao
weiter konkuriara lau.

(Bruno Gern)

w
Werner
Mar 8, 2004 - 10:32AM
217.224.68.220
Re: Sonntagsgedichtle

Wie wahr, wie wahr!!!

Return to Website  > Index